रुपन्देही । जङ्गली च्याउ खाँदा बुटवलमा १५ जना बिरामी परेका छन् ।

जिल्लाको बुटवल उपमहानगरपालिका–१२ नयाँगाउँका ६ जना र वडा नम्बर ४ लक्ष्मीनगरका ९ जना जङ्गली च्याउ खाएर बिरामी परेका हुन् ।

इलाका प्रहरी कार्यालय बुटवलका अनुसार उनीहरुमध्ये ३ जनाको अवस्था गम्भीर छ । गम्भीर बिरामीको लुम्बिनी प्रादेशिक अस्पताल बुटवलको आईसीयूमा उपचार भइरहेको छ ।

अरु बिरामीको पनि लुम्बिनी अस्पतालमा नै उपचार भइरहेको प्रहरीले जनाएको छ ।