काठमाडौं । न्यून वातावरणीय क्षति हुनेगरी र वातावरणीय प्रभाव मुल्यांकन गराएर मात्र निजगढमा अन्तर्राष्ट्रिय विमानस्थल निर्माण गर्न सर्वोच्च अदालतले परमादेश जारी गरेको छ ।

अहिलेसम्मको सबै प्रकृया खारेज गर्दै गर्दै सर्वोच्चले यस्तो आदेश दिएको हो । तर विमानस्थल निर्माण गर्ने स्थानबारे भने सर्वोच्च खुलाएको छैन् ।

उक्त फैसलामा फरक राय दिने दुई न्यायाधीश हरिकृष्ण कार्की र मनोजकुमार शर्माले भने निजगढमा नै कम वातावरणीय क्षति हुने गरी बनाउनुपर्ने उल्लेख गरेका छन् ।

गत जेठ १२ गते फैसला दिएपनि पूर्णपाठ आएको थिएन। बुधवार पूर्णपाठ दिँदै अदालतले ईआइए विश्वासिलो समिति गठन गरेर गर्न भनेको हो ।