कैलाली । कैलालीमा लागूऔषध (खैरो हेरोईन) सहित दुईजना पक्राउ परेका छन् । पक्राउ पर्नेमा जिल्लाको गोदावरी नगरपालिका वडा नम्बर १ बस्ने २१ बर्षीय नबिन सिंह मडै र वडा नम्बर १२ का २८ बर्षीय जिवन खत्री रहेका छन् ।

जिल्ला प्रहरी कार्यालय कैलालीका अनुसार धनगढीबाट अत्तरिया तर्फ जादै गरेको मडैको सुपप्र ०१-११प ३७४७ नम्बरको मोटरसाईकलबाट १४ ग्राम ९२७ मिली ग्राम लागूऔषध बरामद गरिएको हो ।

लागूऔषध ओसार पसार भइरहेको छ भन्ने बिशेष सुचनाको आधारमा ईलाका प्रहरी कार्यालय मालाखेतीबाट खटि गएको प्रहरी टोलीले उनीहरुलाई पक्राउ गरेको कैलालीका प्रहरी प्रबक्ता तथा प्रहरी नायव उपरीक्षक वेदप्रकाश जोशीले जानकारी दिए ।

उनीहरु दुबै जनामाथि ईलाका प्रहरी कार्यालय मालाखेतीबाट थप अनुसन्धान कार्य भइरहेको छ ।