सिरहा । सिरहामा बोक्सी भन्दै एक महिलालाई मलमूत्र खुवाएको आरोपमा दुईजना पक्राउ परेका छन् ।

पक्राउ पर्नेमा भगवानपुर गाउँपालिका–४ ठाडी टोलकी ३० वर्षीया फुलोदेवी साह र ५५ वर्षीया कोशिला देवी साह रहेको प्रहरीले जनाएको छ ।

उनीहरूले छिमेकी ६० वर्षीया आतिकादेवी कामैतलाई बोक्सी भन्दै मलमूत्र खुवाएको आरोप लागेको छ । असार ११ गते दिउँसो साढे १२ बजेतिर कामैतलाई दुवै जनाले मलमूत्र खुवाएको प्रहरीले जनाएको छ ।

दुवै अभियुक्तलाई इलाका प्रहरी कार्यालय (लहान) को हिरासतमा राखिएको छ । उनीहरुमाथि बोक्सी आरोप कसुरमा मुद्दा दर्ता गरी थप अनुसन्धान कार्य भइरहेको जिल्ला प्रहरी कार्यालय सिरहाले जनाएको छ ।