एजेन्सी । भारतको राष्ट्रपति पदका लागि यशवन्त सिन्हाले उम्मेदवारी दर्ता गराएका छन् । यशवंत सिन्हा धेरै विपक्षी दलका संयुक्त उम्मेदवार हुन् ।

यशवन्त सिन्हाको मनोनयनमा कांग्रेस सांसद राहुल गान्धी, एनसीपी प्रमुख शरद पवार, समाजवादी पार्टीका प्रमुख अखिलेश यादव र नेशनल कन्फरेन्सका अध्यक्ष फारुक अब्दुल्ला पनि उपस्थित थिए।

ममता बनर्जीको पहलमा करिब १७ विपक्षी दलको बैठकले उनलाई उम्मेदवार बनाइएको थियो । यशवंत सिन्हा तृणमूल कांग्रेसका उपाध्यक्ष थिए । यसैबीच तेलंगानाका मुख्यमन्त्री के चन्द्रशेखर रावले यशवन्त सिन्हालाई समर्थन गर्ने बताएका छन् ।

सत्तारुढ राष्ट्रिय लोकतान्त्रिक गठबन्धन (एनडीए) ले द्रौपदी मुर्मुलाई राष्ट्रपतिको उम्मेदवार बनाएको छ । उनले गत साता मात्रै उम्मेदवारी दर्ता गराएकी थिइन् ।