तनहुँ । तनहुँको चुँदी खोलाले बगाएर डेढ वर्षिया बालिकाको मृत्यु भएको छ ।

आइतबार साँझ साढे ७ बजे तनहुँको भानु नगरपालिका-७ चन्द्रावती बस्ने रचना श्रेष्ठकी १ वर्ष ६ महिनाकी छोरी काब्यालाई घर नजिकै रहेको खोलाले बगाएको थियो।

घरदेखि २० मिटर दुरीमा रहेको उक्त खोलाले बेपत्ता पारेपछि खोज्ने क्रममा स्थानीय र प्रहरीले ५०० मिटर तल बालिकालाई अचेत अवस्थामा फेला पारेका थिए।

तत्कालै उनलाई उपचारका लागि दमौली अस्पताल लगे पनि राती १० बजे बालिकाको मृत्यु भएको प्रहरीले जनाएको छ।