काठमाडौं । स्वासप्रश्वासमा समस्या देखिएर भर्ना भएकी महिलाको मृत्यु भएपछि काभ्रेको धुलिखेल अस्पतालमा सतर्कता अपनाइएको छ ।

उपचारका लागि अस्पताल भर्ना भएकी सिन्धुपाल्चोक बाह्रबिसेकी २९ वर्षकी महिलाको बिहीबार राति मृत्यु भएको अस्पताल स्रोतले वताएको छ।  उनी काठमाडौंको त्रिवि शिक्षण अस्पतालमा सुत्केरी भएर डिस्चार्ज भएको थिइन ।

त्यसपछि बिरामी भएर उनी उपचारका लागि अस्पताल भर्ना भएकी थिइन । उनलाई कोरोना आशंका गरिएको छ। उनको पीसीआर परीक्षणका लागि राष्ट्रिय जनस्वास्थ्य प्रयोगशाला टेकु पठाइएको छ ।

उनको धुलिखेलमा पीसीआर र आरडीटी दुवै परीक्षण गर्दा रिपोर्ट पोजेटिभ आएको र टेकुमा पुन: स्वाब पठाइएको धुलिखेल अस्पतालका एक चिकित्सकले वताए । टेकुको रिपोर्ट मन्त्रालयले नै सार्वजनिक गर्ने वताइएको छ ।