काठमाडौं । पेट्रोलियम पदार्थमको मूल्य वृद्धिका कारण केही समयका लागि काठमाडौं उपत्यका खानेपानी लिमिटेड (केयूकेएल) ले ट्यांकरमार्फत खानेपानी वितरण कार्य रोकेको छ ।

केयूकेएलको ट्यांकर शाखाले सुख्खा याममा दैनिक ८० देखि ९० ट्यांकर र अन्य मौसममा ५० देखि ६० ट्यांकर खानेपानी वितरण गर्दै आइरहेको थियो ।

केयूकेएलले खानेपानी ट्याङ्करको लागि आवश्यक पर्ने इन्धन भर्न साझा पेट्रोल पम्पसँग सम्झौता गरेको थियो ।

तर, बजेट अभावका कारण इन्धनको रकम भुक्तानी गर्न नसकेपछि सेवा नै कटौती गर्नु परेको जनाइएको छ । केयूकेएलले सरकारी, सार्वजनिक क्षेत्र, निजी क्षेत्र र नागरिकहरुलाई खानेपानी वितरण गर्दै आइरहेको छ ।