काठमाडौं । नेपाली कांग्रेसका महामन्त्रीद्वय गगन थापा र विश्वप्रकाश शर्मा निर्वाचन आयोग जाने भएका छन् ।

आयोगको कार्यालय पुगेर उनीहरुले प्रवासी नेपालीहरुलाई मताधिकारको व्यवस्था मिलाउन आयोगका प्रमुख आयुक्त दिनेश थपलियाको ध्यानाकर्षण गराउन लागेका हुन् ।

आयुक्त थपलियालाई थापा र शर्माले बिहान ११ बजे भेट गर्ने कार्यक्रम तय भएको छ । विदेशमा रहेका नेपालीलाई मताधिकारको ब्यवस्था गर्नेबारे आयुक्तसँग छलफल हुने बुझिएको छ ।

महामन्त्रीद्वय थापा र शर्माले सोमबार उक्त विषयमा प्रधानमन्त्री शेरबहादुर देउवाको ध्यानाकर्षण गराएका थिए । सो भेटमा पनि दुवैले मताधिकार व्यवस्थाका लागि प्रधानमन्त्रीसमक्ष विषय राखेका थिए ।