काठमाडौं । नाबालिग बलात्कारजस्तो गम्भीर प्रकृतिको मुद्दा कमजोर बनाउन दबाब दिइएको भन्ने विषयमा महान्यायाधिवक्ताको कार्यालयले ३ सदस्यीय छानबिन समिति बनाएको छ ।

उच्च सरकारी वकील कार्यालय पाटनका सहन्यायाधिवक्ताको संयोजकत्वमा गठित छानबिन समितिले १५ दिनभित्र प्रतिवेदन पेश गर्नेछ ।

सो समितिले पेश गरेको प्रतिवेदनका आधारमा दोषी देखिएका व्यक्तिहरूलाई कारबाही गरिने महान्यायाधिवक्ताको कार्यालयले जनाएको छ ।

ललितपुरकी सहायक जिल्ला सकारी वकिल संगीता थोकरले उक्त मुद्दा कमजोर पार्न आफूलाई दबाब दिइएको र नमानेपछि सरूवा गरिएको आरोप लगाएकी थिइन्। यस्तै वलिकललाई कुनै प्रकारको दबाब नदिएको महान्यायधिवक्ताको कार्यालयले स्पष्ट पारेको छ।