काठमाडौं । ओखलढुंगामा जंगलबाट ल्याएको च्याउ तरकारी पकाएर खाँदा एकै घरका दुई जनाको मृत्यु भएको छ ।

जिल्लाको चम्पादेवी गाउँपालिका–७ फूलबारीका ९३ वर्षीया मनमाया विष्ट र २४ वर्षीया ढककुमारी लामिछानेको मृत्यु भएको प्रहरीले जनाएको छ ।

सँगै खाना खाएका अन्य दुई जनाको अवस्थामा पनि गम्भीर छ । उनीहरुको काठमाडौंमा उपचार भइरहेको छ ।

ढककुमारीको ओखलढुंगा सामुदायिक अस्पताल मिसनमा उपचारका क्रममा मृत्यु भएको हो भने मनमायाको महाराजगञ्जमा रहेको टिचिङ अस्पतालमा मृत्यु भएको हो । घटनाका सम्बन्धमा थप अनुसन्धान भइरहेको प्रहरीले जनाएको छ।