काठमाडौँ । नेकपा एमालेका उपमहासचिव प्रदिपकुमार ज्ञवालीले सरकारको परराष्ट्र सम्बन्धको प्रस्थान बिन्दु नै गलत भएको टिप्पणी गरेका छन् ।

सोमबार संसदको अन्तर्राष्ट्रिय सम्बन्ध समितिमा परराष्ट्र नीतिबारे उपमहासचिव ज्ञवालीले यस्तो बताएका हुन् ।

वर्तमान सरकारले सुरुमै चीनसँग कृत्रिम सीमा विवादको विषय निकालेर गल्ती गरेको पनि नेता ज्ञवालीको आरोप थियो ।

उनले वर्तमान गठबन्धन सरकार बन्दैगर्दा नेपाली जनताको हित र राष्ट्रको हितमा काम गर्ने भन्दा पनि अन्य देशको लागि ुकम्फर्टेबलु बन्नेगरी अगाडि बढेको आरोप लगाए ।

ज्ञवालीले सरकारले पछिल्लो समय केही निर्णयहरु ‘कम्फर्टेबल’ बन्ने किसिमले गरेको पनि बताए । सरकारले अन्तर्राष्ट्रिय सम्बन्धमा गरेका गतिविधिका कारण नेपालको परराष्ट्र सम्बन्धमा विचलन आएको पनि उनको भनाइ थियो ।

उपमहासचिव ज्ञवालीले सरकारले एउटा छिमेकी राष्ट्रलाई खुसी पार्ने र अर्कोलाई चिढ्याउने काम गरेको पनि आरोप लगाए ।

एउटा देशलाई रिझाउने र अर्कोलाई चिढ्यााउने काम गर्नु उचित नभएको उनको भनाइ थियो । यस्तै प्रधानमन्त्रीको अमेरिका भ्रमणबारे औपचारिक रुपमा लिखित जानकारी दिनका लागि पनि ज्ञवालीले माग गरेका थिए ।