काठमाडौं । नेकपा एमालेका सांसद खगराज अधिकारीले केपी शर्मा ओलीलाई तानाशाह भन्ने सांसदहरुले अहिले प्रधानमन्त्री देउवासामु नुन खाएको कुखुरो जस्तै भएर बसिरहेको आरोप लगाएका छन् ।

आइतबार मन्त्रालयगत बजेटमाथिको छलफलमा भाग लिदै पुर्व गृहमन्त्री समेत रहेका अधिकारीले यही संसदबाट केपी ओली तानाशाह भए भनेर कुर्लने सांसदहरु अहिले झोक्रिएर बसेको बताएका हुन् ।

उनले आज त्यो सवै शेरबहादुर प्रधानमन्त्री भएपछि समाप्त भयो ? भनेर सत्तापक्षका सांसदहरुलाई प्रश्न समेत गरे ।

त्यतिमात्र होइन उनले प्रधानमन्त्री शेरबहादुर देउवाले सवै शक्ति केन्द्रीकृत गरेर किन बसिरहनुभएको भन्दै जवाफ दिन माग गरे ।