एजेन्सी । प्रजातान्त्रिक गणतन्त्र कङ्गोको मध्य क्षेत्रमा मङ्गलबार हिरा खानीमा पहिरो जाँदा पुरिएर ४० भन्दा बढी मानिसको मृत्यु भएको छ ।

कासई प्रान्तीय सरकारका आन्तरिक मन्त्री आलेन शिसुङ्गु नतुम्बाले साम्बा सहरमा भएको घटनाको हताहतबारे सञ्चारलाई जानकारी गराएका छन्।

उनले मृतकलाई खानीभित्रबाट निकाल्ने क्रम जारी रहेको बताए ।

पीडितहरू सबै हिरा खानीमा काम गर्ने श्रमिक रहेको ती अधिकारीले बताए। पहिरोले करिब ४० वटा खाडललाई पुरेको बताइएको छ। रासस