एजेन्सी । कोलम्बियन पपस्टार शकिरा र बार्सिलोनाका फुटबल खेलाडी जेरार्ड पिकेबीच सम्बन्ध विच्छेद भएको छ । दुवै जनाले संयुक्त विज्ञप्ति जारी गर्दै १२ वर्षदेखिको सम्बन्धलाई टुंग्याउने जनाएका हुन् ।

सन् २०११ देखि सम्बन्धमा रहेका ४५ वर्षीया शकिरा र ३५ वर्षीय पिकेका दुई सन्तान छन् । सन् २०१० मा दक्षिण अफ्रिकामा फिफा विश्वकप प्रतियोगिता सुरु हुनु केहीअघि मात्र यी दुईबीच भेट भएको थियो ।

प्रतियोगिताको अफिसियल गीत ‘वाका वाका (दिस टाइम फर अफ्रिका) लाई शकिराले गाएकी थिइन् भने पिके फिचर्ड थिए । शकिराले कर छली मुद्दाको सामना गरिरहेकी छन् ।

गत मे २६ मा अदालतको फैसला शकिराको विपक्षमा आएको थियो । विपक्षीहरुले लगाएको आरोपअनुसार सन् २०१२ देखि २०१४ सम्म उनले कमाएको १५.५४ मिलियन डलर कर छली गरेको उल्लेख छ ।