काठमाडौं । नेकपा एमालेले स्थायी कमिटी सदस्य घनश्याम भूसाललाई स्पष्टिकरण सोध्ने भएको छ ।

एमालेको अनुशासन आयोगको बुधबार बसेको बैठकले अध्यक्ष केपी शर्मा ओलीको आलोचना गर्दै अन्तर्वार्ता दिएको विषयमा भूसाललाई स्पष्टिकरण सोध्ने निर्णय गरेको हो ।

स्थानीय तह चुनावको परिणाम सार्वजनिक भएलगत्तै नेता भूसालले एक टेलिभिजनमा अध्यक्ष ओलीको आलोचना गरेका थिए ।

भूसालले अन्तर्वार्ता दिँदै अध्यक्ष ओलीले पार्टी सञ्चालन गर्दा अपनाएको शैली र लिएको नीतिको विषयमा आलोचना गरेका थिए ।