काठमाडौं । आईसीसी यू–१९ महिला टी–ट्वान्टी विश्वकप एसिया छनोटको पहिलो खेलमा नेपालले कतारलाई ७९ रनको फराकिलो अन्तरले पराजित गरेको छ।

मलेसियामा टस जितेर पहिले ब्याटिङ गरेको नेपालले २० ओभरमा ३ विकेट गुमाएर १ सय १७ रन बनायो। ११८ रनको विजयी लक्ष्यसहित मैदानमा उत्रिएको कतार ३८ रनमा अलआउट भयो।

उसका लागि साची दधवाल र श्रुतिवेन कमलेशभाइ रानाले समान १४ रन बनाउनुबाहेक अन्य कुनै व्याट्स्म्यानले दोहोरो अंक बनाउन सकेनन्। कतारका ७ खेलाडी शून्यमा आउट भए।

कतारलाई सस्तैमा समेटन सृष्टी जैशीले ३ तथा अनु कडायत, कप्तान कृतिका मरासिनी र स्नेहा महराले समान २÷२ विकेट लिए। नेपालले दोस्रो खेल भोलि युएईविरुद्ध खेल्नेछ।