काठमाडौं । आईसीसी १९ वर्ष मुनिको महिला टी–ट्वान्टी विश्वकप क्रिकेट एसिया छनोट आजबाट मलेसियामा शुरू हुँदैछ ।

छनोटको पहिलो खेलमा नेपालले आज कतारसँग प्रतिष्पर्धा गर्दैछ । नेपाल र कतारबीचको खेल बिहान ७ः१५ बजे शुरू हुनेछ ।

छनोटमा नेपालसहित आयोजक मलेसिया, युएई, थाइल्याण्ड, भुटान र कतार रहेका छन् । शीर्ष टोलीले दक्षिण अफ्रीकाको टिकट काट्ने छन् ।

यस्तै नेपालले दोस्रो खेलमा युएईविरुद्ध जुन ४ मा खेल्दा भुटानविरुद्ध जुन ६ मा खेल्नेछ । त्यस्तै नेपालले जुन ७ मा थाइल्याण्ड र जुन ९ मा मलेसियाविरुद्ध खेल्नेछ ।