काठमाडौं । बलात्कार आरोपमा थुनामा रहेका अभिनेता पल शाहको मुद्दामा उच्च अदालत पोखरामा बहस सकिएको छ । एक नाबालिग गायिकालाई बलात्कार गरको आरोपमा अभिनेता शाह पुर्पक्षका लागि थुनामा छन् ।

बिहीबार अभिनेता शाहतर्फका र सरकारी वकिल दुबैतर्फको बहस सकिएको हो । न्यायाधीशद्वय उज्वल शुक्ल र श्रीधराकुमारी पुडासैनीको संयुक्त इजलासमा बहस सकिएको हो । धरौटीमा छोड्ने वा थुनामा पठाउने भन्ने आदेश आउन बाँकी छ ।

बलात्कार आरोपमा उजुरी परेपछि गत फागुन ११ गते शाहले प्रहरी समक्ष आत्मसर्मपण गरेका थिए । उनीविरुद्ध तनहुँ र नवलपरासीमा उजुरी परेको थियो। दुबै अदालतले उनलाई पुर्पक्षमा पठाउने आदेश दिएका थिए ।

त्यसपछि पुर्पक्षका लागि थुनामा रहेका शाहले साधारण तारेखमा रिहा हुन पाउनुपर्ने माग राख्दै उच्च अदालत पोखरामा निवेदन दिएका थिए ।