काठमाडौं । हेलिकप्टरमा पनि अब दुई जना पाइलट रहनु पर्ने भएको छ ।

नेपाल नागरिक उड्डयन प्राधिकरणले अब साना हेलिकप्टर सबैमा दुई पाइलट राखेर मात्र उडाउन पाइने निर्णय गरेको हो ।

यो नियम १७ असार (१ जुलाई) देखि लागू हुने गरी निर्णय भएको बताईएको छ । पाइलट बेहोस हुने तथा अरू स्वास्थ्य समस्याका कारण हुन सक्ने दुर्घटनालाई ख्याल गरेर दुई जना पाइलटको व्यवस्था गरेको प्राधिकरणले जनाएको छ ।

नेपालमा यसअघि हवाईजहाज र एमआई१७ मोडलका ठूला हेलिकप्टरमा मात्र दुई पाइलट अनिवार्य गरिएको थियो ।