काठमाडौं । सप्तरीमा आफ्नै भाउजुलाई आगो लगाएर हत्या गरेको आरोपमा देबर पक्राउ परेका छन् ।

जिल्लाको बोदे बर्साइन नगरपालिका वडा नम्बर १ धनगढीका प्रमेश्वर साह हत्या गरेको आरोपमा पक्राउ परेका हुन् ।

साहले आफ्नै भाउजु राजकुमारीलाई २०७८ माघ २१ गते पेट्रोल छर्की आगो लगाएका थिए । आगोले शरीरको अधिकांश भाग जलेकी राजकुमारीको विराटनगरमा उपचारका क्रममा मृत्यु भएको थियो ।

उनीमाथि थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।