काठमाडौं । लमजुङको मध्यनेपाल नगरपालिकामा आज आइतवार दिउँसो टिपर दुर्घटना हुँदा चार जनाको मृत्यु भएको छ ।

दुर्घटनामा टिपर चालक धादिङको गजुरी गाउँपालिका ६ का विनोद घिमिरे, गोरखा नगरपालिका १२ का रविन्द्र सेढाइँ, तनहुँको व्यास नगरपालिका ७ का ४५ वर्षीय उत्तम न्यौपाने र सल्यानको कुमाख गाउँपालिकाका पारश शाहको मृत्यु भएको प्रहरीले जनाएको छ ।

मध्यनेपाल ७ सीतीखोलाको कल्याणबेसीबाट बतासे चोक जाँदै गरेको ढुङ्गा बोकेको बा ४ ख ७७८१ नम्बरको टिपर दुर्घटना भएको जिल्ला प्रहरी कार्यालय लमजुङले जनाएको छ ।

मृत्यु भएका चारै जना मध्यपहाडी लोक मार्गमा काम गर्ने रहेको बताइएको छ ।