काठमाडौं । सुदूरपश्चिम लोक सेवा आयोगले स्वास्थ्य सेवातर्फ चौथो तहका प्राविधिक पदमा दरखास्त आह्वान गरेको छ ।

दुई सय ६६ जना माग गर्दै आज दरखास्त खुला गरिएको हो । इच्छुकले यही जेठ ३१ भित्र दरखास्त पेश गरिसक्नु पर्नेछ । अनलाइनबाट दरखास्त दिन सकिनेछ ।

प्रदेश निजामती सेवाका स्वास्थ्य सेवातर्फ चौथो तहका प्राविधिक पदमा र स्थानीय सरकारी सेवातर्फ स्वास्थ्य सेवा चौथो तहका प्राविधिक पदमा दरखास्त आह्वान भएको हो ।

अनमी, वैद्य, ल्याब असिस्टेन्ट, अहेबलगायत पदमा दरखास्त आह्वान भएको छ । लिखित परीक्षा मिति भने पछि तोकिनेछ।