एजेन्सी । प्रिमियर लिग फुटबलको उपाधि म्यानचेस्टर सिटीले हात पारेको छ ।

गएराति भएको सिजनको आफ्नो अन्तिम खेलमा एस्टोन भिल्लालाई ३–२ गोल अन्तरले हराउँदै सिटीले उपाधि जितेको हो ।

घरेलु मैदानमा भएको अन्तिम खेलमा सिटीलाई जित दिलाउन गुन्डोगनले दुई र रोर्डिले एक गोल गरे । उता एस्टोनका लागि क्यास र फिलिपे कौटिन्होले एक–एक गोल गरे । जितसँगै सिटीले ३८ खेलबाट ९३ अंक जोडेर लिग जित्यो ।

यता दोस्रो स्थानमा रहेको लिभरपुलले ३८ खेलमा ९२ अंक जोडेर लिग सिजन टुङ्ग्यायो । सिटीका लागि पेप गर्डिवालाले यो चौथो पटक प्रिमियर लिगको उपाधि जिताएका हुन् । उनी सिटीका लागि लिग चार पटक जिताउने पहिलो प्रशिक्षक हुन् ।