पोखरा । पोखरा महानगरपालिकामा नेकपा (एकीकृत समाजवादी) का धनराज आचार्यले अग्रता कायमै राखेका छन् ।

पछिल्लो मतपरिणाम अनुसार ८८ हजार ४५७ मतगणना हुँदा आचार्यले ३५ हजार ५८७ मत प्राप्त गर्दै अग्रता कायम राखेका हुन् ।

उनलाई पछ्याइरहेका नेकपा एमालेका कृष्ण थापाले ३२ हजार ३२५ मत ल्याएका छन् । गठबन्धनका साझा उमेदवार आचार्य थापाभन्दा ३ हजार २६२ मतले अघि छन् ।

यस्तै, राप्रपाका शंकर खनालले ३ हजार ९८९ र स्वतन्त्र उमेदवार गणेश पौडेलले २ हजार ३६८ मत ल्याएका छन् ।उपप्रमुखतर्फ एमालेकी मञ्जुदेवी गुरुङले ३६ हजार ८५४ मतसहित अग्रता कायम गरेकी छन् ।

नेपाली कांग्रेसकी कोपिला रानाभाटले ३६ हजार ३९ मत ल्याएकी छन् । राप्रपाकी रञ्जना सेनले ३ हजार ८६४ मत ल्याइन् ।