काठमाडौं। डोटीको शिखर नगरपालिका–१ गेरुपानीमा भएको बस दुर्घटना हुँदा एकजना बालक बेपत्ता भएका छन् भने १३ जना घाइते भएका छन् ।

कैलालीबाट अछामका लागि छुटेको ना ५ ख ९६६३ नम्बरको बस शनिबार बिहान सडकबाट खसेर सेती नदीको किनारमा पुगेको छ ।

बस पानीमा नडुबेको भएपनि नजिकै पुगेका हुँदा ति बालक सेती नदिमा बेपत्ता भएको हुनसक्ने प्रहरीको आँकलन छ ।

जिल्ला प्रहरी कार्यालय डोटीका अनुसार दुर्घटनामा अछाम चौरपाटी गाउँपालिका–६ का सुरेन्द्र शाहीका १८ महिने छोरा सुजन शाही बेपत्ता छन् ।

दुर्घटनामा परी बस सहचालकसहित ३ जना गम्भिर घाइते भएका छन् । गम्भिर घाइतेहरुलाई धनगढी रिफर गरिएको छ भने सामान्य घाइते ८ जनाको शैण्लेश्वरी अस्पतालमा उपचार भइरहेको छ ।

बस चालक भने फरार रहेको प्रहरीले जनाएको छ ।