काठमाडौं । काठमाडौंको नागार्जुन नगरपालिकाको मेयरमा नेपाली कांग्रेसका मोहनबहादुर बस्नेत निर्वाचित भएका छन् ।

निवर्तमान मेयरसमेत रहेका बस्नेतले १० हजार १ सय ८६ मत ल्याएर पुनः मेयरमा निर्वाचित भएका हुन् ।

उनले नेकपा एमालेका नन्दन हरि गौतमलाई १८०० मतान्तरले हराए। गौतमले ८ हजार ३६८ मत पाएका छन्। यस्तै राप्रपाका उम्मेदवार ध्रुव प्रसाद खनालले २४६९ मत पाएका छन्।

उपमेयरमा भने नेकपा एमालेकी सुशीला अधिकारी ९ हजार ४७४ मत ल्याएर विजयी भएकी छन्। उनका प्रतिस्पर्धी राप्रपाकी कल्पना नेपालीले २ हजार ७५३ मत ल्याइन्।

उपमेयरमा एकीकृत समाजवादीका कृष्ण हरि खत्रीले २ हजार १२६ र माओवादी केन्द्रका प्रताप दानीले १ हजार ६५६ मत ल्याए ।