काठमाडौं । रौतहटको गौर नगरपालिकाको मेयरमा नेकपा (एकीकृत समाजवादी) का उम्मेदवारले जित निकालेका छन् ।

पूर्वमेयर तथा लोकतान्त्रिक समाजवादी पार्टीका उम्मेदवार अजय गुप्तालाई पराजित गर्दै शम्भु साह नगरप्रमुखमा विजयी भएका हुन् ।

निर्वाचित साहले ५७९५ मत प्राप्त गर्दा गुप्ताले ३४९९ मत प्राप्त गरे । उपमेयरको पदमा पनि समाजवादीकै उम्मेदवार शैल देवी विजयी भएकी छिन् ।

नेपाली कांग्रेसकी डा. शाहजाहा खातुनले ३ हजार ४६० मत ल्याउँदा निर्वाचित शैलदेवीले ४ हजार ३९९ मत पाएकी छिन् । गौर नेकपा (एकीकृत समाजवादी)का अध्यक्ष माधवकुमार नेपालको गृहनगर पनि हो ।