काठमाडौं । लिपुलेकमा भारतले गरेको अतिक्रमणको बिरोधमा काठमाडौंमा प्रदर्शन गरेका मानवअधिकारवादी कृष्ण पहाडीलगायत पक्राउ परेका छन् ।

प्रहरीले लैनचौरस्थित भारतीय दूतावासअगाडि मंगलबार बिहान प्रदर्शन गर्ने पहाडीलगायतका अधिकारकर्मीलाई प्रहरीले नियन्त्रणमा लिएको हो ।

उनीहरुले ‘लिपुलेक सडक निर्माण तत्काल रोक’, ‘अतिक्रमण बन्द गर’ लगायत प्लेकार्ड बोकेर भारतीय रवैयाविरुद्ध प्रदर्शन गरेका थिए ।

भारतले नेपाली भूमि लिपुलेक अतिक्रमण गरेर सडक निर्माण गरेपछि विरोध बढ्दै गएको छ । अहिले देशभर प्रदर्शन भइरहेका छन् ।