काठमाडौं । काठमाडौं महानगरपालिकाका स्वतन्त्र उम्मेदवार बालेन शाहले अग्रता कायमै राखेका छन् । पछिल्लो मतगणनाको परिणाम अनुसार शाहले ९ हजार ६ सय ५ मत ल्याएका छन् ।

उनलाई नेकपा एमालेका उम्मेदवार केशव स्थापितले ५ हजार १ सय ४ मत ल्याएर पछ्याइरहेका छन्। उनी शाहभन्दा करिब ४५ सय मत अन्तरले पछि छन्।

बालेनले स्थापितविरुद्ध ४ हजार ५ सय १ मतको अन्तर बनाएका छन् । तेस्रो स्थानमा कांग्रेसकी सिर्जना सिंहले ४ हजार ४ सय ८३ मत ल्याइन् ।

यस्तै उपमेयरमा एमालेकी सुनिता डंगोलको अग्रता कायमै छ ।