काठमाडौं । नेपालले एकदिवसीय सिरिजअन्तर्गत दोस्रो खेलमा आज जिम्बाब्वे ‘ए’ को सामना गर्दैछ । खेल कीर्तिपुरस्थित त्रिवि क्रिकेट मैदानमा बिहान साढे ९ बजेबाट सुरु हुनेछ ।

हिजो भएको पहिलो एक दिवसीयमा नेपाल जिम्बाब्वे ‘ए’सँग ३ विकेटले पराजित भएको थियो । जिम्बाब्वेले आज पनि जितेमा तीन एक दिवसीयको श्रृङ्खला जित्नेछ ।

जित्नैपर्ने दबाबमा रहेको नेपाल आज जिम्बाब्वेविरुद्ध पहिलो खेलमा बेहोरेको हारको बदला लिँदै सिरिज बराबरी गर्ने सोचमा छ ।

आईसीसी पुरुष क्रिकेट विश्व कप लिग २ अन्तर्गत अमेरिकामा हुने त्रिदेशीय एक दिवसीय श्रृङ्खलाको तयारीमा नेपालले जिम्बाब्वे ‘ए’ सँग तीन एक दिवसीय र तीन टी–२० श्रृङ्खला खेलेको हो । यसअघि भएको तीन खेलको टी–२० श्रृङ्खला एकरएकको बराबरीमा सकिएको थियो ।