काभ्रे । काभ्रेको रोशीमा जिप र भारतीय पर्यटक बोकेको गाडी ठोक्किँदा ५ जनाको मृत्यु भएको छ ।

रोशी गाउँपालिका–११ बढुवेशीमा भारतीय पर्यटक बोकेको गाडी र सिन्धुलीबाट काठमाडौं जाँदै गरेको जिप ठोक्किँदा एक बालकसहित ५ जनाको मृत्यु भएको हो ।

भारतीय पर्यटक बोकको यूपी५८टी ८१८१ नम्बरको मिनी बस गाडी र काठमाडौं जाँदै गरेको ना १ ज ४२१० नम्बरको जिप एकापसमा ठक्कर खाँदा ५ जना नेपालीको मृत्यु भएको जिल्ला प्रहरी कार्यालय काभ्रेले जनाएको छ ।

मृतकको पहिचान खुलेको छैन भने घाइते अन्य केहिको धुलिखेल अस्पतालमा उपचार भइरहेको छ ।