काठमाडौं । म्याग्दीको धवलागिरि गाउँपालिका वडा नम्बर १ गुर्जामा वडाध्यक्षसहित माओवादी केन्द्रको टिम नै निर्विरोध निर्वाचित भएको छ ।

अन्य उमेदवारको मनोनयन नपरेपछि वडामा माओवादी केन्द्रको टिम नै विजयी भएको निर्वाचन अधिकृतको कार्यालयले जनाएको छ ।

निर्विरोध हुनेमा धवलागिरि गाउँपालिका वडा नम्बर १ का अध्यक्ष, दलित महिला सदस्य, महिला सदस्य र वडा सदस्य रहेका छन् ।

यस्तै वडा सदस्यमा अर्का एक जना स्वतन्त्रबाट उम्मेदवारी दिने पनि विजयी भएका छन् । स्वतन्त्रबाहेक ४ जना भने माओवादी केन्द्रबाट उम्मेदवार थिए ।