काठमाडौं । सिन्धुलीमा जिप दुर्घटना भएको छ ।

सिन्धुलीमाडीबाट चकमके वाङरिङ जाँदै गरेको वाग्मती प्रदेश ०१०२ च ०४५ नम्बरको जिप तीनपाटन गाउँपालिका वडा नम्बर ५ नक्कलेमा दुर्घटना हुँदा तीन जनाको मृत्यु भएको प्रहरीले जनाएको छ ।

दुर्घटनामा तीनपाटन गाउँपालिका ९ आम्बोटेका ४५ वर्षीय तुलसीराम पहाडी, ५१ वर्षीय रामजीप्रसाद भण्डारी र कमलामाई नगरपालिका ७ का ३० वर्षीय रुपा मगरको मृत्यु भएको जिल्ला प्रहरी कार्यालयका डिएसपी मनोजकुमार लामाले जानकारी दिए ।

दुर्घटनामा अन्य ७ जना यात्रु घाइते भएका छन् । घाइतेको स्थानीय बेलघारी स्वास्थ्य चौकीमा उपचार भइरहेको डिएसपी लामाले बताए ।