काठमाडौं । चितवनको भरतपुर पुगेर फर्किएका गृहमन्त्री बालकृष्ण खाँड प्रधानमन्त्री एवं नेपाली कांग्रेसका सभापति शेरबहादुर देउवालाई भेट्न बालुवाटर पुगेका हुन् ।

भरतपुर महानगरपालिकामा स्वतन्त्र उम्मेदवार जगन्नाथ पौडेलको उम्मेदवारी फिर्ता गराउन तीन दिनदेखि चितवनमा रहेका गृहमन्त्री खाँड काठमाडौँ फर्केर सीधै बालुवाटार छिरेका हुन् ।

आज उम्मेदवारी फिर्ता लिने अन्तिम दिन हो । उम्मेदवारहरूलाई निर्वाचन आयोगले भोलि चुनाव चिन्ह प्रदान गर्दैछ ।

पौडेलले आफू कांग्रेसको उम्मेदवार नभएर स्वतन्त्र उम्मेदवार भएको भन्दै फिर्ता नहुने अडान राखेका थिए । उनले गृहमन्त्री खाँडलाई आफूलाई बागी उम्मेदवार नभन्न पनि आग्रह गरेर पठाएको बुझिएको छ ।