काठमाडौं । आसन्न स्थानीय तह निर्वाचनका विभिन्न पदका लागि १ लाख ३६ हजार २६९ जनाको उम्मेदवारी परेको छ ।

निर्वाचन आयोगले मंगलबार बिहान सार्वजनिक गरेको पछिल्लो विवरण अनुसार आइतबार र सोमबार गरी १ लाख ३६ हजार २६९ जनाले उम्मेदवारी दर्ता गराएकाहुन् ।

आयोगका अनुसार स्थानीय तहको प्रमुख पदमा ३ हजार २ सय ६१ जनाको उम्मेदवारी परेको छ । यस्तै अध्यक्ष पदमा ३ हजार २ सय ५४ जनाको उम्मेदवारी परेको आयोगले जनाएको छ ।

उपप्रमुख पदमा २ हजार ३ जनाको उम्मेदवारी पर्दा उपाध्यक्ष पदमा २ हजार २ सय ९२ जनाको उम्मेदवारी परेको छ । यस्तै वडा अध्यक्ष पदमा ३२ हजार ५९ जनाको उम्मेदवारी परेको छ ।

महिला सदस्यमा २३ हजार ३ सय ७५, दलित महिला सदस्य पदमा २१ हजार १ सय १५, तथा सदस्य पदमा ४८ हजार ९ सय १० जनाको उम्मेदवारी परेको निर्वाचन आयोगको तथ्याङकमा उल्लेख छ ।