काठमाडौं । नेपाली कांग्रेस केन्द्रीय कार्यसम्पादन समितिको बैठक आज बस्दै छ ।

आगामी स्थानीय तहको निर्वाचनमा महानगरपालिका र उपमहानगरपालिकाको उम्मेदवार टुंग्याउने विषयमा छलफल गर्न बैठक बस्न लागेको हो ।

बैठक दिउँसो २ बजे केन्द्रीय कार्यालयमा बस्ने कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए । उनका अनुसार महानगर र उपमहानगरको उम्मेदवार टुंग्याउन शनिबार बैठक बस्न लागेको हो ।

पार्टीको केन्द्रीय कार्यालय सानेपामा बस्ने बैठकमा केन्द्रीय कार्यसम्पादन समितिका पदाधिकारी र सदस्यलाई अनिवार्य उपस्थिति हुन सूचित गरिएको छ ।