एजेन्सी । इण्डियन प्रिमियर लिग (आईपीएल) अन्तर्गत आज सम्पन्न खेलमा सनराइजर्स हैदराबादले कोलकत्ता नाइट राइडर्समाथि रोमाञ्चक जित निकालेको छ।

मुम्बईस्थित ब्रबोर्न स्टेडियममा सम्पन्न खेलमा हैदराबादले कोलकत्तामाथि ७ विकेटको जित निकालेको हो।

टस हारेर ब्याटिङमा उत्रिएको कोलकत्ताले निर्धारित २० ओभरमा ८ विकेट गुमाउँदै १७५ रन बनाएको थियो।

जवाफी ब्याटिङमा उत्रिएको हैदराबादले १७।५ ओभरमा ३ विकेट गुमाउँदै लक्ष्य पुरा गर्‍यो।

जितसँगै ५ खेलबाट ६ अंक जोडेको हैदराबाद अंकतालिकाको सातौं स्थानमा उक्लिएको छ।