कैलाली । बझाङमा डुबेर एक किशोरको मृत्यु भएको छ ।

जिल्ला बित्थडचिर गाउँपालिका-४ देउलेख घर भएका १६ वर्षीय कमल बोहराको सदरमुकाम चैनपु स्थित बउलि खोलामा मृत्यु भएको हो ।

नेकपा एमाले बझाङले आयोजना गरेको जनसभामा सहभागी हुन चैनपुर पुगेका बोहराको खोलामा नुहाउने क्रममा डुबेर मृत्यु भएको जिल्ला प्रहरी कार्यालय बझाङले जनाएको छ ।

आज दिउँसो करिब ४ बजे कार्यक्रम चलिरहेको समयमा नुहाउने क्रममा खोलामा डुबेका उनको समयमै उद्धार नभएकाले घटनास्थलमै मृत्यु भएको हो । शव पोस्मार्टमको लागि जिल्ला अस्पताल सिमखेतमा राखिएको प्रहरीले जनाएको छ ।