काठमाडौं । सत्ता गठबन्धनको निर्वाचन परिचालन तथा अनुगमन समितिको बैठकले स्थानीय तहमा हुने सहमतिअनुसार अघि बढ्ने निष्कर्ष निकालेको छ ।

आइतबार बसेको समितिको बैठकले कुन पालिका कसले लिने भनेर सहमति गरेर रिपोर्ट पठाउने म्याद थप्ने र आएका रिपोर्टअनुसार अघि बढ्ने निष्कर्ष निकालेको हो ।

यस्तै निर्वाचन परिचालन तथा अनुगमन समितिको बैठक सोमबार पनि बस्ने भएको छ । गठबन्धनको निर्वाचन परिचालन तथा अनुगमन समितिको बैठक सोमबार बिहान ९ बजे बस्ने जनाइएको छ।

भोलि बिहान ९ बजे शीर्ष तहको बैठक बसेर अन्तिम निष्कर्षमा पुग्ने नेताहरुले बताएका छन् । भोलि नै गठबन्धनका तर्फबाट संयुक्त अपिल जारी गरिने पनि जनाइएको छ ।