काठमाडौँ । कानुन, न्याय तथा संसदीय मामिला मन्त्री पदमा अधिवक्ता गोविन्द बन्दीलाई नियुक्त गरिएको छ ।

प्रधानमन्त्री शेरबहादुर देउवाले अधिवक्ता बन्दीलाई कानुनमन्त्री पदमा सिफारिस गरेका हुन् ।

प्रधानमन्त्री देउवाले बिहीबार गरेको सिफारिसअनुसार राष्ट्रपति विद्यादेवी भण्डारीले बन्दीलाई कानुन मन्त्रीमा नियुक्त गरेकी हुन् ।

राष्ट्रपति कार्यालयका अनुसार मन्त्री बन्दीको शपथ बिहीबार दिउँसो नै गर्ने तयारी भइरहेको छ ।

कानुनमन्त्री हाल दिलेन्द्र बडू छन् ।

बन्दीलाई कानुनमन्त्रीमा प्रधानमन्त्री देउवाले नियुक्त गरेपछि वडूलाई भने उद्योग बाणिज्य तथा आपूर्ति मन्त्रालयको जिम्मेवारी दिने तयारी गरेका छन् ।