महिला विश्वकपको उपाधि अस्ट्रेलियाले जितेको छ ।

इंग्ल्याण्डलाई ७१ रनले पराजित गर्दै अस्ट्रेलियाले सातौँपटक विश्वकपको उपाधि जितेको हो ।

अस्ट्रेलिया दिएको ३ सय ६६ रनको लक्ष्य पछ्याउने क्रममा इंग्ल्याण्ड ४३.४ ओभरमा मात्र २ सय ८५ रनमा समेटिएको हो ।

इंग्ल्याण्डका लागि नाट स्काइभरले नटआउट रहँदै १ सय ४८ रन बनाइन् । ट्यामी बियोमाउन्टले २५ तथा कप्तान हेदर नाइटले २६ रन बनाइन् । अस्ट्रेलियाका लागि एलाना किंग र जेस जोनासनले ३–३ विकेट लिए ।

यसअघि टस हारेर ब्याटिङ गरेको अस्ट्रेलियाले एलिसा हेलीको १७० रनको मद्दतले ५ विकेटको क्षतिमा ३ सय ५६ रन बनाएको थियो । उनलाई रेचल हेन्सले ६८ तथा बेथ मुनीले ६२ रन बनाउँदै राम्रो साथ दिए ।