सिरहा । सिरहामा आगलागी हुँदा करोडको क्षती भएको छ ।

धनगढीमाई नगरपालिका–१० धनगढी बजारमा रहेको तीनवटा पसलमा आगलागी हुँदा करिब एक करोड मूल्य बरावरको धनमाल जलेर नष्ट भएको हो ।

बिहीबार राति स्थानीय गुञ्जेश्वर साहको कस्मेटिक पसल, विलेक्षण साहको जेनरल स्टोर र अशेश्वर साहको आईरण स्टोरमा आगलागी भएको हो ।

गुञ्जेश्वर साहको पसलमा रहेको सम्पूर्ण सामान, २ लाख ५० हजार नगद र २ तोलाभन्दा बढि सुनसमेत आगोमा परेको जनाएको छ । विलेक्षण साहको पसलमा रहेको ५० हजार नगद र धेरै सामान जलेर नष्ट भएको छ ।

विद्युत सर्ट भएर आगलागी भएको जिल्ला प्रहरी कार्यालय सिरहाले जनाएको छ ।