काठमाडौं । आगामी वैशाख ३० गते हुने स्थानीय निर्वाचनका लागि निर्वाचन आयोगले नमूना मतपत्र छाप्न थालेको छ । आयोगको आग्रहमा जनक शिक्षा सामग्री केन्द्रले बिहीबार देखि नमूना मतपत्र छाप्न थालेको हो ।

नेपाली सेनाको निगरानीमा मतपत्र छपाइ सुरू भएको निर्वाचन आयोगले जनाएको छ । मतपत्र छपाइ स्थलमा सेनाका कर्णेलको नेतृत्वमा एक सय २० जना सेनाले सुरक्षा दिएका छन् ।

अहिले परीक्षणका रूपमा मतपत्र छाप्ने काम गरिएको बताइएको छ । स्थानीय चुनावका लागि दुई करोड मतपत्र छाप्ने आयोगको तयारी छ ।

चुनावका लागि एक करोड ७७ लाख ३३ हजार सात सय २३ जना मतदाता छन् । मतदाताभन्दा १५ प्रतिशत बढी मतपत्र छाप्ने आयोगको तयारी छ।