एजेन्सी। अमेरिकाका उप सुरक्षा सल्लाहकार दलीप सिंहले  दिल्लीमा चीनले एलएसीमा आक्रमण गरे भारतलाई बचाउन रुस नआउने बताएका छन् ।

एक निजी टिभी च्यानलसँगको कुराकानीमा युक्रेन युद्धका कारण भारत–अमेरिका सम्बन्धमा आएको परिवर्तनसँग सम्बन्धित प्रश्नको जवाफ दिँदै दलिप सिंहले यस्तो बताएका हुन् ।

उनले भारत र अमेरिकाबीचको व्यापार साझेदारीसहित सबै क्षेत्रमा गहिरो सम्बन्ध र भविष्यका सम्भावनाहरूको बारेमा उल्लेख गरे।

उनले भारत र अमेरिकाबीचको व्यापार साझेदारी रुस र भारतबीचको व्यापार साझेदारीभन्दा १० गुणा बढी रहेको बताए ।

यससँगै सुरक्षाको सवालमा उनले यस क्षेत्रको अवस्था परिवर्तन भइरहेको बताए ।

दलीप सिंहले भने, ‘सुरक्षाको सन्दर्भमा पनि समय परिवर्तन भएको छ । चीन र रुसले नो लिमिट पार्टनरशिपको घोषणा गरेका छन् । चीनले रुस आफ्नो सबैभन्दा महत्वपूर्ण रणनीतिक साझेदार भएको बताएको छ ।

र यस साझेदारीमा कनिष्ठ साझेदारको स्थान रुसले लिएपछि रुसमाथि चीनको दबाब बढ्नेछ। र यससँगै यो अवस्था भारतको रणनीतिक अडानका लागि प्रतिकूल हुनेछ । यदि चीनले एलएसी उल्लङ्घन गर्‍यो भने रुस भारतलाई सहयोग गर्न अगाडि आउँछ भन्ने कसैलाई लाग्छ ? मलाई त्यस्तो लाग्दैन।’ -बिबिसी हिन्दीको सहयोगमा