सप्तरी। म्यादी प्रहरीमा जागिर लगाईदिन्छु भन्दै रकम ठगी गरेको अभियोगमा सप्तरी प्रहरीले एक जनालाई पक्राउ गरेको छ ।

पक्राउ पर्नेमा जिल्लाको महदेवा गाउँपालिका वडा नम्वर २ बस्ने २३ वर्षीय अरबिन्द कुमार मण्डल रहेको प्रहरीले जनाएको छ ।

प्रहरीका अनुसार म्यादी प्रहरीमा जागिर लगाई दिन्छु भन्दै विभिन्न व्यक्तिहरुलाई ललाई फकाई प्रलोभनमा पारी रकम लिने गरेको व्यक्तिलाई पक्राउ गरिएको छ ।

उनलाई नियन्त्रणमा लिई थप अनुसंधान भईरहेको सप्तरीका प्रहरी प्रवक्ता माधव प्रसाद काफ्लेले जानकारी दिए ।