काठमाडौं । त्रिदेशीय टी-२० क्रिकेट श्रृंखलामा आज नेपाल र मलेसिया खेल्दै छन् ।

कीर्तिपुरस्थित क्रिकेट मैदानमा साढे १२ बजे खेल सुरु हुनेछ । जारी शृङ्खलामा नेपाल र मलेसिया दुवैले पपुवा न्युगिनी (पीएनजी) लाई हराएका छन् ।

पछिल्लो पाँच टी–२० खेलमा नेपालले चारपटक मलेसियालाई पराजित गरेको छ भने एकपटक मलेसियाले नेपालालाई हराएको छ ।

त्रिदेशीय श्रृंखलामा नेपाल, मलेसिया र पीएनजी सहभागी छन् ।