काठमाडौं। त्रिकोणात्मक टी–२० अन्तर्राष्ट्रिय सिरिजमा मलेसियाले विजयी सुरुवात गरेको छ ।

मंगलबार भएको खेलमा मलेसियाले पीएनजीलाई ८ रनले पराजित गरेको हो ।

त्रिवि क्रिकेट मैदानमा मलेसियाले दिएको १ सय ८१ रनको लक्ष्य पछ्याएको पीएनजीले १९ ओभर ३ बलमा अलआउट हुँदै १ सय ७२ रन बनायो । ​

मलेसियाले जितसँगै एक खेलबाट २ अङ्क जोड्यो । यता पीएनजीले भने लगातार दोस्रो हार बेहोरेको छ । पहिलो खेलमा पीएनजी नेपालसँग १५ रनले पराजित भएको थियो ।