एजेन्सी । भारतमा पछिल्लो दुई वर्षदेखि बन्द रहेको व्यवसायिक अन्तर्राष्ट्रिय उडान पूर्ण रुपमा खुला गर्न अनुमति दिइएको छ ।

कोरोना महामारीका कारण बन्द रहेका सबै अन्तर्राष्ट्रिय उडानलाई २७ मार्च आइतबारबाट खुला गर्न भारतले अनुमति दिएको हो । अब अन्तर्राष्ट्रिय उडान कोराना महामारी अघिको अवस्था जस्तै नियमित हुनेछन् ।

भारतले अन्तर्राष्ट्रिय उडानमा लगाएको प्रतिबन्ध खुलाएसँगै निजी कम्पनीका विमान कम्पनीहरुले भारतका विभिन्न सहरबाट टिकटको बुकिङ तथा उडान थालेका छन् ।

कोरोना बढेसँगै सन् २०२० को मार्च २३ बाट भारतले अन्तर्राष्ट्रिय उडान परिचालनमा कडाइ गरेको थियो ।