काठमाडौं । कपिलवस्तुमा चल्दा चल्दैको पिङ भाच्चिएर १४ जना घाइते भएका छन् ।

जिल्लाको बाणगंगास्थित बुद्ध रंगशालामा जारी १२ औं कपिलवस्तु महोत्सव एवं कृषि, पर्यटन तथा औधोगिक मेलामा सञ्चालन गरिएको डुंगा पिङ शुक्रबार साँझ भाचिएको हो ।

घाइतेमध्ये ३ जना गम्भीर घाइते छन्। शुक्रबार साँझ साढे ६ बजेतिर चल्दै गरेको डुंगाको एक भाग फुस्किएपछि भुइँमा झरेको प्रहरीले जनाएको छ।

जिल्ला प्रहरी कार्यालय कपिलवस्तुका अनुसार पिङ दुर्घटना हुँदा ३ जना गम्भीर घाइते भएका छन् । उनीहरूलाई उपचारको लागि बुटवल लगिएको छ।